كلمات اغنية أنت وحدك نادر الشراري 2024

أستهيم بوحدتي في ساعة إن الليل بادي

منك يا ذاك القبال أتعبني الصدر بحنينه

صرت للعزلة أميل وصرت في وضع انحيادي

بين تشتيت المشاعر واختلافات السكينة

مطلبي وأعظم طموحي منك يا غاية مرادي

ساعةٍ فيها أشوفك وأدري أوقاتك ثمينة

دام حبك وسط صدري يا حبيبي بازديادي

وصار بين في عيوني والأوادم عارفينه

المحبة يا حبيبي ما تبي وضع التمادي

من يبين لك غلاه إشبك يدينك في يدينه

إنت لو شفت الغياب المر عندك شي عادي

يشهد الله إنها أيام طويلات وحزينة

إنت وحدك لي طمئنينة وأشوف إنك بلادي

وإنت صدري لك بلادٍ ما تناسى ساكنينه

ما رضيت أعيش بُعدك حتى لو ترضى ابتعادي

كيف برضى بابتعادك والغلا حباله متينة

ودي أعيشك عمر وأشوف زولك يا ضمادي

أنت في قربك نعيم وفرحة العمر وسنينه

فيك يا كثر الجمال وفيك يا طيب المبادي

ما ألوم ولا تلوم القلب لاحطك ضنينه

والله إن مالك شبيه بنظرتي حسب اعتقادي

جل من صور جمالك مع مزاياك الحسينة

معظم إحساسي يهيم بصورتك مع كل وادي

لا تخليني وأنا اللي طحت في حبك رهينة