كلمات اغنية ليه يالغالي ناصر الدوسري 2020

كم لذا القلب متعني والهواجيس تطعني

والغظي ما سأل عني ليه بالله يا الغالي

كم وكم لي وأنا صابر وأكتم السر وأكابر

والغظي بالخفي خابر ليه بالله يا الغالي

طول صدك وهجرانك يعطي البال نسيانك

كم كتبنا علشانك ليه بالله يا الغالي

ما أحد غيرك أشقاني إنت في عالم ثاني

مسكنك وسط وجداني ليه بالله يا الغالي

الحشا كثرت أوجاعه منك يا حالي أطباعه

وإنت ما أعطيتني ساعة ليه بالله يا الغالي

ما أنت راضي تصافيني ليش ما تلتفت فيني

ليش بالله جافيني ليه بالله يا الغالي

صاحبك زادت أتعابه وإنت ما تدري إش صابه

روحه اليوم منصابه ليه بالله يا الغالي

ليش ما توفي وعودك ليش تتمعن صدودك

ليش ما تم مردودك ليه بالله يا الغالي

كان يرضيك تجفاني بعد ما كنت وياني

صرت في عالم ثاني ليه بالله يا الغالي

الفراق أتعب إحساسي وإنت يا صاحبي قاسي

صرت عن صاحبك ناسي ليه بالله يا الغالي