كلمات اغنية كان من عينيا نجاة الصغيرة 1966

من عينيا .. من عينيا كان ..!.. كان من عينيا

بتقوللي خبي دمعك شوية ... هو أنت يعني قلبك عليا

فكرك حتغريني ولا تخليني أرجع لحبك

أرجع لحبك .. كان .. كان من عينيا ... كان من عينيا

نسياك من يوم مانسيتني .. مش فاكرة غير حيرتي

متقولشي بحبك وكمان ماتقوليش ياحبيبتي

دقيت باب الحنية وعيونك ندمانة

صدقني لو حبك مية أنا حفضل عطشانة

روح اسقي لغيري حنانك ده معدش يفيد حلفانك

فكرك حتغريني ولا تخليني أرجع لحبك

أرجع لحبك .. كان .. كان من عينيا ... كان من عينيا

بتقول الليل بيطول ... سهران وبتشكيله

قول ياحبيبي كلامك قول .. طول عمرك بتقوله

وتحاول ماتحاول لأأ.. انا حفضل نسياك

قلبي ماعاد فيه ولا دقة ولامطرح لهواك

روح اسقي لغيري حنانك ده معدش يفيد حلفانك

فكرك حتغريني ولا تخليني أرجع لحبك

أرجع لحبك .. كان .. كان من عينيا ... كان من عينيا