كلمات اغنية تفاصيل حياتي نهال نبيل 2017

الحكاية بجد زايدة، تعبي ليه مابينتهيش

ولا ليه تفاصيل حياتي وذكرياتي بيوجعوا

لو يكون لـعذابي فايدة كنت هسكت ماشتكيش

كنت والله هرضا عادي وأسيب عينيا يدمعوا

كتروا أحلامي اللي شايخة، حاسة إني فـي دايرة دايخة

عايشة قصة سخيفة بايخة حالفة عمري تضيعه

كل يوم أحلام يقلوا، اللي زيي في إيه فاضله

زعله عامل زي ضله، في مين خياله يودعه

عايشة وحياتي مقفلة، مش عارفه فين المشكلة

كترت حقيقي الأسئلة، مش لاقية إجابة ليه

عايشة وحياتي مقفلة، مش عارفه فين المشكلة

كترت حقيقي الأسئلة، مش لاقية إجابة ليه

مش لاقية إجابة ليه؟

عايزه أقوم من نومي ناسية كل شيء كان نفسي فيه

أنسى اللي إتخلوا يعني وكل حلم ماطولتهوش

لما ألاقي الدنيا قاسية، طيب أعمل بس إيه؟

واللي فات علشان وجعني شيء طبيعي ماحبهوش

دنيا مغرورة وأليطة لابسة وش كأنه حيطة

يجرى إيه لو كانت بسيطة والعذاب ده ماشفتهوش

الظروف مستقصداني وكل حاجة ملخبطاني

واقفة ضعفانة فـي مكاني والحلول مابينفعوش

عايشة وحياتي مقفلة، مش عارفه فين المشكلة

كترت حقيقي الأسئلة، مش لاقية إجابة ليه

عايشة وحياتي مقفلة، مش عارفه فين المشكلة

كترت حقيقي الأسئلة، مش لاقية إجابة ليه

مش لاقية إجابة ليه؟