كلمات اغنية الشرط نور هدى سلطان 1955

الشرط نور

الشرط نور وانا شارطة عليك

من قبل كتب كتابي عليك

الشرط نور وانا شارطة عليك

اصل الكسل طبع الحلوين

وانا طالعة حلوة وكُسلية

وقبل ما اخدك عشت سنين

ماعرفش اطبخ مولوخية

ولا يوم غسلت صحون ولا حتى براد شاي

ولا اعرف الكمون بيغربلوه ازاي

اكمني ع العز تربيت واسأل عليي

لو كنت اعرف شغل البيت كان من عينيَّ

الشرط نور وانا شارطة عليك

طول عمري عايشة في بيت بابا مامسكت فيه جردل مية

وكنت اقوم من النوم القاه مغسول بيلمع حواليَّ

ولا يوم مسحت بلاط ولا عصرت الخيشة

ولا فردت بساط وعايشه احسن عيشة

اكمني ع العز تربيت واسأل عليي

لو كنت اعرف شغل البيت كان من عينيَّ

الشرط نور وانا شارطة عليك

الشرط نور