كلمات اغنية علم داري الشامخ هزاع الرئيسي 2020

عَلَم داري الشامخ عشَق عالي القمّه

وهو طول عمره فوق روس القمم معقود

فَلا يحني القامه. وَلا يثني الهِمّه

ولا له مكان الاّ . على الشامخ المفنود

تعزّه قلوبٍ. صادقه . همّها همّه

توفّي بعهد الواحد الخالق المعبود

وتبقى إمارات الغلا واسمها انضمه

ومِنْ أسْم زايد. ماخذه عزّها والزود

بكفّه بناها صرح. تفخر به الأمّه

وخلّف عليها احرار.يمشون ممشى العَود

عُضود وْظهَر وسْناد . للّي شكى همه

ومن يعتزي بعيال زايد رقى بسْنود

بلادٍ ثراها طِيب . للطيّب ايشمّه

وترمي على الباغين بالنار والبارود

حبيبة شَعَب يرخص لها روحه ودمّه

وحَزّة دعى الميدان نفدي ثراها جنود

لك العز يا دارٍ. عَلَمْها على القمّه

ويشهد لها التاريخ والحاضر المشهود