كوبليه ما هي كلمات اغنية الجاريّه والسلطان وسط البلد ...؟
تاريخ طرح اغنية وسط البلد الجديده الجاريّه والسلطان
٢٢ أبريل ٢٠١٥
كلمات اغنية الجاريّه والسلطان وسط البلد 2015
الجاريّه اللى تمنها دينار
ضحكت ع عقل السلطان
قادت جوا ف قلبه النار
وسابته سهران ليله حيران
داب قلبه المخدوع ف عينيها
ضيع عمره وملكه عليها
واللى جراله ما كان ع البال
كانت جاريّه ف وسط السوق
زيها زى جوارى الشام
بصلها السلطان وبزوق
قال الحلوة دى تبقى بكام؟
كان شارى من اول نظرة
ولا كان دارى هيخسر ايه؟
داب قلبه المخدوع فعنيها
ضيع ملكه وعمره عليها
واللى جراله ماكان ع البال
حاطها جوا عينيه وف قلبه
وسقاها اشواق و غرام
خباها من برد الليل
ويقول ذنبها ايه يا حرام
الجاريّه ام دينار
اتدارت هربت ولا عادت بتبان
وبقى السلطان يسهر ليله
وهى عينيها العسلى تنام
باع ملكه
باع عرشه وتاجه
لغيره من اهل الشام
والجاريّه اللى هواها ف يوم
حبت واحد مالخدام
اغنية الجاريّه والسلطان وسط البلد 2015 بالكلمات مكتوبة كاملة من كلمات حازم ويفي والحان هانى عادل تم طرح اغنية وسط البلد الجديدة على القناة الرسمية على اليوتيوب بتاريخ ٢٢ أبريل ٢٠١٥ كوبليه كلمات اغنية
- كلمات : حازم ويفي
- الحان : هانى عادل
