كلمات اغنية الهبوب الباردة يوسف الشهري 2025

آتهيّا لـ الهبوب الباردة وتهب نودك

وانت نودك ما تهب الا بعدها وبل صيّب

وين آلقّي عن هواك ووين آولّي عن وعودك

يا مسيّبني على جسرٍ مثل جسر المسيّب

اشجع الشجعان تقدر تكسره قسوة جمودك

لا تقول مجرّي الهيّاب وشلون يتهيّب

مستحيل آزعّلك في يوم .. وآفرّح حسودك

لو فضا صدري يضيق ولو شعر راسي يشيّب

يا حبيبي .. ما رضيت آعاتبك على برودك

يا كثر ما قلت لك طيّب وأنا مانيب طيّب

كل نسمه ساقها الرحمن من مربى جدودك

ما تنفّست بـ هواها العذب من غير آتطيّب

ماتجود الرايحات من المزون الا تجودك

مع ذعاذيع النسيم ومع نسانيس الهبيّب

إبتعد ولا إقترب ، ما تختلف قيمة وجودك

انت ، لا قبلك ولا بعدك .. بعيد ولا قريّب