كلمات اغنية اتنين بليل lege-cy 2018

أنا مع نفسي بتشاور بتكلم، في دماغي بحاول أفتكر ملامحك

سيبتي لي كم ذكرى و وردة في كتابك

لما الدنيا بيّ تضيق كنت بسمعك بتقولي، ما تخافش أنا جنبك

أكيد لسه فاكرك نسيانك مش سهل

أنا بكذب على نفسي وبشرب مش بنسى و للأسف مسألة نسيانك مش وقت

لأني سكران و مش داري إنت سنينك سرقاني

ماشي بدور ع اللي خيالي ممشيني وأنا لسه في مكاني وباقي

مشاكلي دوامة دي مصرة تبلع حياتي

وأنا وقتي بيفوت والدنيا بتلف وبلف وياها بدون داعي

وأنا ماشي لوحدي في الشارع بشكي له حالي إثنين بالليل، إثنين بالليل

بالليل، بالليل، بالليل

وأنا ماشي لوحدي في الشارع بشكي له حالي إثنين بالليل، إثنين بالليل

بالليل، بالليل، بالليل، بالليل، بالليل

فاكر كل حاجة ومش بنسى أنا عيني بتصور المشهد

الوحدة خلتني أبان أسوأ شفت حياتي من غيرك ع الأسود لايقة

حالي مش زي ما سيبتك متعلق بحبالك الذايبة

كنت حلم بالنسبة لي مش زي ما إنت كنت شايفة

بقيت مغيب مبقتش شايفك مفيش مني فايدة

حاسس إنك لسه هنا بس بين وشوش الناس دي تايهه

وأنا حالي زي حالك إتكسرت حطاني ذابت

من بعد ما إنت مشيتي وسيبتيني وغيرتي عنوانك

وأنا كان نفسي في دقيقة كان نفسي نتكلم وأشرح لك

نفسي أنتهز الفرصة وأحكي لك صعب لو فقت من سكري أفضفض لك

الوقت اتأخر، الوقت اتأخر

ما تطلبيش إني أنسى اللي بيننا لأن صعب جداً مش هقدر

قولي لي إزاي أنساك وأنا عليك بسأل الليل كل ثانية مئة مرة

كان نفسي أكون قوي بس ده صعب يحصل ده بعد ما جوايا اتكسر

كنت أتمنى نتقابل بس في ظروف تكون أفضل

تيتر النهاية بينزل و لسه على اللي باقي منك بدور

وأنا ماشي لوحدي في الشارع بشكي له حالي إثنين بالليل، إثنين بالليل

بالليل، بالليل، بالليل، بالليل

وأنا ماشي لوحدي في الشارع بشكي له حالي إثنين بالليل، إثنين بالليل

بالليل، بالليل، بالليل، بالليل، بالليل، بالليل، بالليل