كلمات اغنية هند العطا أحلام 2023

هند العطا وايقونة دبي . أشهد

يا ام الشيوخ وتاج عزٍ على الراس

إنتي على ما قال شيخي محمد

"قدوة عطا يا أقرب الناس للناس

يمناك بالمعروف والخير تمتد

عزوه وقدوه للمعالي ونبراس

قلبك كبير وطيبتك ما لها حد

بحر الندى اللي ماله حدود وقياس

سمحة جناب ولا شكى قاصدك صد

وتشاركين الناس بشعور واحساس

ريف اليتيم اللي ربى ما معه حد

وباب الأمل للّى شكى ضيقة الياس

لو هو لفى (زعبيل) والحيل منهد

بيرد من (زعبيل) ما يشتكي باس

نبعك أصيل وعد يا منبع العد

وظلّك ظليل ومعدنك طيّب الساس

والمجد صوت وصفحة الكون كراس

عمرك بعمر دبيّ والمجد ممتد

عطره دِهن عودك وتاجه من ألماس

نفخر ونتشرّف بأسمج ونعتد

يا رمز يتجسد كرامه ونوماس

لانك رفيقة درب لي شيّد المجد

وام الشيوخ اللي للامجاد حرّاس