كلمات اغنية ما فيه حيله أسعد البطحري 2020

• كامل البطحري :

بنشدك يا خوي عن من هو تميز

بالخصال النادرات الغير عيّز

حازها و لا ترك للغير حيّز كامل

من هو اللي بالكرم ما فيه حيله

• علي الغنبوصي :

اعرفه واعرف قبيلته الوفيّه

الوهيبي والنعم والنار حيّه

بينه و بين المراجل جاذبية

المداهم بالكرم ما فيه حيله

• كامل البطحري :

والنعم والله في طاري المداهم

من رجال عمان لي بيّن ولاهم

والفقارى واليتامى ما نساهم

ذاك ابو خالد ابد ما فيه حيله

• علي الغنبوصي :

دورة البطحاء بلا رسوم و دلايل

التميّز وسطها صايل و جايل

وش ترشح يالخوي بين الذلايل

من هي الي ركضها ما فيه حيله

• كامل البطحري :

عندي الترشيح للي ماتقلوع

لا بدا المركاض قلت الله مروع

السبوق اللي بلا امر اتلذوع

هذي اللي ركضها ما فيه حيله

هذي اللي وصفها لا حركوها

كنّها من بندقيّة اطلقوها

تتعب اللي بالمواتر سايروها

والمصور خلفها منهد حيله

• علي الغنبوصي :

جاتهم تدفع و تنهي بالصداره

والعصا فبطانها ما شب ناره

تلطم الناموس شاره بعد شاره

تيمها بين الهجن ما فيه حيله

حبلها ما يربطونه بالقليصه

ما شكت عند المضمر من نقيصه

المضحى والمعشى في قميصه

يرخص الغالي لها ما فيه حيله

• كامل البطحري :

تطرب لشوط البداية واتجوّل

والمضمر لو عنـَه يبغى يحول

تفلت امن يديه عند الشوط الاول

حيله ان ما هو معاه اتشد حيله

لونها من هي حواره اشقراني

وراسها ولون ارقبتها زعفراني

زان فيها الزعفران الاصفهاني

شوفته فوق الوبر مافيه حيله

• علي الغنبوصي :

اقلعت والجوف دف الريح عنها

و مركباً عند النظر ما بان منها

وشاذر الناموس ماسك في بدنها

وصفها بين العرب ما فيه حيله

بكرةً لا قرّب اليوم الختامي

نزلت آسامي و ترفع اسامي

من ملكها صار للميدان حامي

عند ربعه شامخ و ما فيه حيله