كوبليه ما هي كلمات اغنية حلم كبير الجوكر ...؟
تاريخ طرح اغنية الجوكر الجديده حلم كبير
٢٦ أكتوبر ٢٠١٩
كلمات اغنية حلم كبير الجوكر 2019
حسيت انك ضعيف ومكسور الجناح
مكبوح الجماح معدوم المتاح
بسبب ناس عن جهل قالوا انك مش زيهم مش كامل
كأن الاختلاف دليل على توزيع مش عادل
في ناس كانت بتشدك لورا وتهدك لغرض
في ناس كرهتلك النجاح عشان في قلوبها مرض
قادر والدليل ان الحياة مهزمتكش
من وانت بتحبي وهي بتحاول متقومكش
وقومت خدت أول خطوة غصب عنها
وفضلت تنجح مهما يتقل امتحانها
وزي ما ناس هدتك زي ما ناس ساعدتك
زي ما ناس كرهتك زي ما ناس حبتك
ما الشىء وعكسه مخلوقين يتنافسوا
غيرك كسب سباق بس خسر نفسه
وانت روحك كانت بتكبر كل ما تكبر
قولت تقدر للي قالك مش هتقدر
الدنيا مبتديكش اللي انت شايفه عليك كتير
ما دام هتحلم اوعى تحلم الا حلم كبير
في ناس وصولها راح هدر عشان لحظة تأخير
سابق بشراسة كإنك بادئ الأخير
الظروف سيوف والدروع إرادتك
عمر التعب ما راح هدر قاوم بكل طاقتك
هما حاولوا يحبطوك خوفا من حركتك
عرفوا ان انت هتعديهم لحظة انطلاقتك
استنى الريح تعدي ويندموا اللي مالوا هوا
يخسروا اللي حاربوا بعض قدام اللي كانوا سوا
تمد ايدك ليهم يفتكروك بترمي طعم
أصل اللي يزرع شر لازم يجني رعب
واما العيوب تبدأ تغطي ع المزايا
وتحبط قبل خطوة واحدة من خط النهاية
وتبص لروحك بشفقة في المرايا
زي ما تكون خلاص صدقت ان انت مش كفاية
بص وراك تشوف طريق طويل اتمشى
هازم في كل مللي فيه ميت احتمال للفشل
اما اللي وقعوك وسبقوا الخوف فيهم متغلغل
بيبصوا وراهم مرعوبين لتقوم تكمل
الدنيا مبتديكش اللي انت شايفه عليك كتير
ما دام هتحلم اوعى تحلم الا حلم كبير
في ناس وصولها راح هدر عشان لحظة تأخير
سابق بشراسة كإنك بادئ الأخير
اغنية حلم كبير الجوكر 2019 بالكلمات مكتوبة كاملة من كلمات El Joker والحان Mohammed Elsayed تم طرح اغنية الجوكر الجديدة على القناة الرسمية على اليوتيوب بتاريخ ٢٦ أكتوبر ٢٠١٩ كوبليه كلمات اغنية
- كلمات : El Joker
- الحان : Mohammed Elsayed
