كوبليه ما هي كلمات اغنية هما مين واحنا مين الشيخ امام ...؟
تاريخ طرح اغنية الشيخ امام الجديده هما مين واحنا مين
٠٤ فبراير ٢٠١١
كلمات اغنية هما مين واحنا مين الشيخ امام 2000
هما مين واحنا مين
هما الأمرا والسلاطين
هما المال والحكم معاهم
واحنا الفقرا المحكومين
حزر فزر شغل مخك
شوف مين فينا بيحكم مين
احنا مين وهما مين
احنا الفعلا البنايين
احنا السنة واحنا الفرض
احنا الناس
بالطول والعرض
من عافيتنا تقوم الارض
وعرقتنا يخضر بساتين
حزر فزر شغل مخك
شوف مين فينا
بيخدم مين
هما مين واحنا مين
هما الامرا والسلاطين
هما الفيلا والعربيه
والنساوين المتنقيه
حيوانات استهلاكيه
شغلتهم حشو المصارين
حزر فزر شغل مخك
شوف مينا فين بياكل مين
احنا مين وهما مين
احنا قرنفل على ياسمين
احنا الحرب حطبها ونارها
واحنا الجيش اللي يحررها
واحنا الشهدا ف كل مدراها
منتصرين او منكسرين
حزر فزر شغل مخك
شوف مين فينا بيقتل مين
هما مين واحنا مين
هما الامرا والسلاطين
هما مناظر بالمزيكه
والزفة وشغل البولوتيكا
ودماغهم طبعا استيكه
بس البركه في النياشين
حزر فزر شغل مخك
شوف مين فينا
بيخدع مين
هما مين واحنا مين
هما الامرا والسلاطين
هما بيلبسوا اخر موضه
واحنا بنسكن سبعة ف اوضه
هما بياكلوا حمام وفراخ
واحنا الفول
دوخنا وداخ
هما بيمشوا بطيارات
واحنا نموت
بالاوتوبيسات
هما حياتهم بمبي جميله
هما فصيله واحنا فصيله
حادي يا بادي يا عبد الهادي
ياللي عليك قصد الغنوا دي
لما الشعب يقوم وينادي
يا احنا ياهما في الدنيا دي
حزر فزر شغل مخك
شوف مين فينا
حيغلب مين
اغنية هما مين واحنا مين الشيخ امام 2000 بالكلمات مكتوبة كاملة تم طرح اغنية الشيخ امام الجديدة على القناة الرسمية على اليوتيوب بتاريخ ٠٤ فبراير ٢٠١١ كوبليه كلمات اغنية
