كلمات اغنية ليتها الأيام الوسمي 2024

في عيوني سهد من نوم وكرى

طال صبري من عيانٍ ما غفت

ليتها الأيام ترجع للورا

ليتها بأيّام حبّك وقّفت

عن عذابي يا عذابي من درا

وعن جروحٍ في خفوقي استنزفت

اسمك اللي في عروقي قد جرى

ذابت حروفه ومن دمي اختفت

ورسمك اللي دوم عيني تنظره

قد تلاشى من دموعٍ ما انصفت

سايلة عالخد تمطر عالثرى

صورتك من ضي عيني انطفت

غابت افراحي ولا لي من ذرى

والهموم بوسط قلبي أسرفت

كل ما حاولت أنسى أذكره

كل ذكرى في غرامك شرّفت

م انخلق شرواك من بين الورا

غير حسنك في عيوني ما لفت

دام من غذى وريدي قد سرى

ما بقى بي روح من روحه جفت

يا مسهّر جفن ما ذاق الكرى

وانت عينك في مسرّاتٍ غفت

ليتها الأيام ترجع للورا

ليتها بأيّام حبّك وقّفت