كلمات اغنية ذكرى الحبايب الوليد ال عامر 2024

ياشعور الشوق ياذكرى الحبايب

كان عندك حل للعشاق هاته

مكتفي بجروح صده واللهايب

في خفوقاً مانسى لذة غلاته

يالطيف الروح قلًي وين غايب

فاقدك مازان نومه في مباته. ((الوليد))

كل ذكرى منًك تعذيب ومصايب

تحرق اوراق السعاده من حياته. ((الوليد))

كان وصلك راح مع وجه الهبايب

القسى والموت باقي ذكرياته

اذكّر أيام اللقاء تحت السحايب

والمطر زايد حلاتك والكياته

واذكر اني شفت بقبالك عجايب

من جبينك نوًر الليل ودجاته. ((الوليد))

وأذكر اللي كان بالفرقاء سبايب

العذول الشين وش كانت سواته ((الوليد))

واذكر اني كنت من فرقاك هايب

كان خوفي من الفراق ومهلكاته

لين صار الخوف للفرقاء نهايب

وانتهى ذاك القبال ومغرياته

ياحبيبي رحت وجروحي عطايب

والعمر يازين دونك وش حلاته ((الوليد))

ليه حطيًت اللقاء تحت النصايب

ياحبيّب القلب وأغلى أمنياته. ((الوليد))

شوف حالي كيف من فرقاك ذايب

كيف ترضى في شقاه وفي شتاته

دعوته وياك تجريح وعقايب

ذكرياتك والهموم معاقباته

هاذا ماسويت وماني عنك تايب

والغلا لو رحت يبقى وسط ذاته. ((الوليد))

هاذا ماسويت وماني عنك تايب

والغلا لو رحت يبقى وسط ذاته. ((الوليد))