كلمات اغنية ظروف الوقت الوليد ال عامر 2022

كل ما مالت ظروف الوقت زادتني عزيمة

من دواليب الدهر ما عاد أفكر في المصايب

ما طلبت إلا العفو من كبر هقواتٍ عقيمة

هقوةٍ من بعدها كثر الحسايف والعقايب

كل ما مالت ظروف الوقت زادتني عزيمة

من دواليب الدهر ما عاد أفكر في المصايب

لازم إن الإنسان بيشوف السعادة بعد ضيمه

لازمٍ عقب الدهر فيّه ومرباع وهبايب

ما طلبت إلا العفو من كبر هقواتٍ عقيمة

هقوةٍ من بعدها كثر الحسايف والعقايب

مثل نزّالٍ بذوده في وسط الأرض الوخيمة

مثل من ربا عياله بالوفاء والخال خايب

إن غزيت أغزي لريمه ما نويت شداد ريمه

مطمعي فوق النجوم اللي علت دهم السحايب

خلك الصامل بوجه الوقت وعزومك صتيمه

ما تهاب وذخر للمضيوم في عز النوايب

دامني عندي النشاما لي وقار ولي حشيمة

وش عليّ من الكلام اللي يقال بظهر غايب

ابتلشنا تالي الأيام بنفوسٍ سقيمة

مرةٍ ترضى ومرة تزعل بلا أيّ سبايب

الغناوي اللي بغا فله لكن ترضيه خيمه

مقتنع دام القناعة من كبيرات الوهايب

والله إن الكسب في الدنيا صداقاتٍ حميمة

خوةٍ تبقى إلين نحط من تحت النصايب

الخسارة خوةٍ بنيت على ذم ونميمة

والبطل فيها جبانٍ يتقي يوم الحرايب

ما طيب اللي له مع أهل الطيب منهاج و وسيمة

مثل ما قال الزلامي خذ نصيحة راس شايب

قالها اللي صفقته تدوش ويخشاها خصيمه

من مزاجٍ مبعدٍ مغزاه في ظهور النجايب

ما بغيت أمازح الدجال أبو عينٍ كريمة

لين ثقلة حملة الجمال واتعبنا الركايب

جعلها توصل عمير إلا توقع في صميمه

وفي النهاية محزمي مليان يوم الكيف طايب