كلمات اغنية باح الصدر حمد الراشد 2024

والله ان القلب ضايق فوق حده

والسهر في داخل العينين ثاير

لين طاولت السهر واصبحت نده

من فراق اللي فراقه لي خساير

هو سبب جرحي عسى ربي يرده

اشهد ان فرقاه تأنيب الضماير

مبعدن منه وقد اليوم مده

ولاطريته صرت متوله وحاير

من عنى فرقاه باح الصدر سده

والشقاء والموت شفته والعزاير

طاري الفرقاء غزاء قلبي وهده

واسحب الموال يوم الحظ باير

العذول اللي طريق الخير سده

مادرى ان فعله من كبار الكباير

ياوجودي وجد من وضعه يحده

لابغى المسرى علا زين المواتر

يرسم اهدافه علا حبل الموده

فوق جيبٍ لامشى باالخط طاير

سايق من تعب اهل الطيب جده

قرمٍ ماهزه سوى فرقى الحراير

كل مايطري له ألي زاد صده

فز فزة شيخ ينخونه عشاير

الزمن غدار مايعطيه وده

مادرى وشلون هذا الوقت صاير

الحظوظ انواع في راحه وشده

ولعنبو حظٍ معا لاحباب جاير