كلمات اغنية الكويت دحوم الطلاسي 2019

ياكويت ياروح المحب وضميره

لا يابعد ناسي وحيي وميـتي

لا شفت ظيم الناس في كل ديـــره

أسجـد لربـي اللي خلقني كـــويــتـي

أميــره وفي عيون ناســك أميره

ياللي على أدراج القلوب ارتقيتي

يالاوله لا يمكن أنــك أخيره

تبدين لاكنــك حشا ما انتهيتي

من يومني صغيّر أشوفـك صغيره

ربيت بــك وأنتي بقلبي ربــيــتي

حتى كبرت وصرت أشوفــك كــبيرة

يالله عطيتي ضعف منتي خذيـــتي

أبعد وأسافر عن هواك وعبيره

ويذوب بالي كل ما انتي طريتـــي

وأحن لك حن العشير لعشــــيره

اضحك لضحكتك وابكي اليا بكــيـــتي