كلمات اغنية ليل الغريب درع المري 2024

طال ليل الغريب وكل طاري طرى له

وذكريات الغريب تصير مثله غريبة

فيه زحمة وجيه وفيه وجه لحاله

قد غلبني وأنا قبله ما ذقت الغليبة

مرحبا والله إنه مرحبا بالرسالة

لادعى منه داعي والله إني لا أجيبه

من تعود على طول المساري لحاله

لابدا لازمه ما هو مشاور صحيبه

يكره اللي يقول إن التسرع جهاله

كل ما ناظرت عينه بطبلون جيبه

ما ورى الساعتين إلا الهنا في وصاله

وصل يبدد ظروف الحياة العصيبة

يا صلاتي على محمد وصحبه وآله

كل ما بان لي وجه وصوفه عجيبة

وأشقر كل ما مر الهوى من خلاله

جاب لي نفحة من ريح مسكه وطيبه

أطرق العود لاهب الهوى من شماله

ودك إنك شمال منه وإنك حبيبه

من جماله علي يعد وصله جماله

وأنا ما نكرت لافضله ولا انكرت طيبه

احسد شاله اللي كل ما طاح شاله

المصيبة ظنونه في صارت مصيبة

قلت عفري أدنى ما يسبب جفاله

قال والعفري أن حب الأسد وش يريبه

كيف ألومه وأنا ماخذ غوالي حلاله

وحدةً سامح فيها و وحدة غصيبه