كلمات اغنية مكر الذيابة راشد عبدالرحمن 2020

الوقت جربنا شقاه وعناته

والليل مرسوم السهر في جبينه

في ليلة ظلمة عطاني عصاته

واستودع الرحمن نفسه ودينه

يممت أنا من فوق خيل بناته

يسبق بهن خيال شقرا ولينه

والذيب في مكر الذيابة غناته

والخوف من طعنه تجي من يمينه

إيه بدوي يا بنت يحفظ صلاته

ولا أظنك بالمحبة تهينه

أنا على عود وجيت برضاته

وده إلى جيتك غرام اتحمينه

الهم والعبره وباقي حياته

وعيون من قالت بكتك المدينة

الريح يا وجه الزمان وفلاته

يطوي على قلب المقفي حنينه

يا نجد أنا جيتك فقير أمنياته

يكسره وقتٍ بالشقا تعرفينه

جيتك بلا خطوة تسابق مناته

وخوفي بعد هذا الرجا تخذلينه

جنبي على جنب الزمان وقساته

و وجه معه رغم العنا تعرفينه

القوم يوم القوم خذها وهاته

شفتي لنا فعل بهم تحفظينه

يا نجد أنا باقي على الحق ذاته

واليوم عزن فوق سدره وتينه

هذه غناة الذيب هذه غناته

واللي نوانا بالردى خابرينه

دنيا لها عشرين ناب بحياته

يضحك لها اللي ما غرق له سفينة

والعود علمني وهذه وصاته

بس البقا في العود قفت سنينه

بس البقا في العود قفت سنينه