كلمات اغنية سدول الظلام سالم بن مغيثه 2021

من يوم ما عانق المغرب سدول الظلام

و انا اتحرى طيوفك قبل توقيتها

ان عجلّت زادت الضيقة و زاد الهيام

و ان كانها ابطت علي من لهفتي جيتها

تاخذني مْن اختلاطات البشر و الزحام

للسجه اللي قبل فرقاك سجيتها

و اواجهك ودي اشره قبل تبدي السلام

و ان شفت سلهامة العينين خليتها

ولا شفتك انسى مواضيع العتب و الملام

و اقول ليت الليال تعود يا ليتها

في وجهك اللي ما يشبه كون بدر التمام

ما يوجع القلب ف الفرصه و تفويتها

ضلوع صدري عقب هجرك و صدك حطام

على كثر ما تحديتك و قوّيتها

خذيت مني رضا الداله و حلو المنام

و خيبة هقواتي الي بك تهقويتها

لاشك طبع الكرام يسامحون الكرام

تفداك زلاتك الي منك عديتها

ممكن اكابر و اقول الحال بعدك تمام

و تفضحني الخله الي ما قد ابديتها

كنت احسب ان الهجر فالحب نقطة نظام

اجمع به المسئلة من بعد تشتيتها

و الظاهر ان احتمالاتي مجرد كلام

عشان اقوي عزومي بعد م انهيتها

اما اني انسا غلاتك لا علي الحرام

حتى لو اني تكبرّت و تناسيتها

محبتك بيتها قلبٍ خذاه الغرام

و حتى لو ابطيت يبقى بيتها .. بيتها