كلمات اغنية عشير الروح سند خالد 2024

عشير الروح والخاطِر

حبيب العمر والأيام

كتَبتك وانتثَر حبري

و حَار الدمع في عيني

دموع الحبّ والفرحه

وعشقٍ يشبه الأحلام

ليا جيت انطِق باسمك

شعوري تسبقه عيني

..

تخيّل لو يصير الكون

بكبره في يِديني قام

ولو إنّي مسكَت الشمس

معَ القمرا بيَدّيـني

بدونك ماله أي معنى

سرابٍ تتبعه الاوهام

لأنّ العمر في قربك

هو اللي بسّ يِحييني

..

أفوز بحبّك وكنّي

مَلكت الكون والأعوام

اشوف الضحكه بوجهك

ويشرِق صبحها فيني

تجي مِثل المطر كنّك

ربيعٍ في فؤادي هَام

وانا قلبي تفَـيّا بك

عن الأشواق تحميني