كلمات اغنية تعبان سيد جميل العبودي 2023

تعبان محَّد یدري إمنين

مو مِن غُرُب مِنِّ الجريبين

ارتاح گالو، راحتي وین

بضلوعي متربعه السچاچین

عن لا يفزّون أمشي بهداي

امكشَّف او فوگاهم اغطاي

ماچنت أظن يگصون ویّاي

عدهم دواي او ضَمّوا ادواي

عافوني سالوفه او بل احلوگ

اوخلّوني خيط ابحلگ الفتوگ

گالولی خیّط لیش مشبوگ

گِلتِ اشیخیطه الثوب ملثوگ

هم مایخالف گلت و تروح

او ضمِّیتهن تذکار لجروح

شافوني أرفِس رَفِس مذبوح

علو ضحكهم و انا مبحوح

إرتاح گالوا گِلِت شَرتاح

و آنه ذبيحه او بيد ذبّاح

السچین ترسَت نحري إجراح

و أسمع حچیهُم طاح ماطاح

لا بأس لو غدروني الأجناب

التويع ابنادم طَگْتِ الأحباب

صارت اوياي او بيّه لصواب

كلَّه اوگِلِت للواشي چذاب

فرحان بيهُم چنت مجنون

رادو اعيوني انطيت لعيون

ذوله الگلت ما ظن یخربون

خُربَوْ او حِلّْ أوياي ممنون