كلمات اغنية مافيه منك اثنين صالح ال كليب 2017

كم ضاميً مدة كفوفك رونّه

وكم معسرً ياه اليسر منك منقاد

وكم ضايمً كم ليلةً ماهننّه

ينصاك واتهنّا لياليه برقاد

وكم نايفً ياسيّدي راقيّنه

وعزومك تدوّر على كل مصعاد

وياكم مهره دون سرج وأعنّه

على ظهرها لك بطولات واعياد

وياكم طيرً نادرً ناقلنه

خذ من فعولك لي بها تيمّل بلاد

اليا رقى الاعيان مايثبتنّه

وله معك لا حوّل من الطلع ميعاد

مع خرب دامي خضّب الكف منّه

والريش نثّارً على فعله اشهاد

مع كل هد يروغ ويصيد لانّه

يدري من كفوفك معشاه لا صاد

ويدري بغيره مانته ملقّفنّه

لانه على ظنك مثل مانت معتاد

لك قدر عنده وانته معززنّه

شروات ماعزيت ذربين وايواد

يا فخرنا كل الفخر محتونّه

وانته يابو راشد لنا ذخر وسناد

للسبق والناموس سويت سنّة

يا مفضّل الاول على كل الاعداد

ياشيخ لي عقبك ترى متعبنّه

تتعب تجاريك العرب صوب الأمجاد

مافيه منك اثنين ، وانا اشهد انّه

انته فواد ،، وباقي الناس في واد