كلمات اغنية دار البطولة صالح ال مانعه 2025

رفرفت لعلام في دار البطولة

بالبشاير ملتقى كل الاصايل

تحت راية من بنو للمجد دولة

هيثم السلطان واسلافه لوائل

داعم الموروث في شتى فصوله

جهد متواصل وفيه الدعم هايل

والشكر للي تنومسنا فعوله

لي له العادات في شل الثقايل

اسعد اللي دايم يشرف وصوله

عند بوتيمور كل صعباً سهايل

الجوايز حاضره في كل جوله

والتميز بالرموز وبالحصايل

للتنافس كلاً محضر ذلوله

والمذيع يحدد ارقام الأوائل

مرحبا بهل الركض واللي سعوله

م الخليج ومرحبا بهل الذلايل

عد ما غيثاً دفج ياري سيوله

من كنوفا مثقله فيها المخايل

كل من قايد سبوقاً حضروله

جهزوهن من حجايج ليين حايل

الختام السيف كلهم جهزوله

الشعارات الكبيرة والقبايل

حضر اللي تكسر التيم بعجوله

للمنافس لا تشوف ولا تخايل

انطلاقة شبحها ما يحسبوله

وارتدادت خفها كالموج هايل

لي يبا الناموس ولا يصفقوله

مثل هذي تحضر بيوم الهوايل