كلمات اغنية محبة الصامتين صالح ال مانعه 2024

الليل ما اعتقني من الوجد وأنا سجين

رغباتي الماضية وامالي المقبلة

والوجد وش بينه وبين الشعور الدفين

اللي كثر ما تجاهلته تعبت أجهله

نجامل قلوبنا من باب بكرة تزين

ونحمل صدورنا شي ما تستحمله

ونحمل صدورنا شي ما تستحمله

نداري شعورنا مخافة إنها تبين

واضهارها مشكلة واخفايها مشكلة

واضهارها مشكلة واخفايها مشكلة

ما هو بذنب القلوب اللي خذلها الحنين

ولا هو بذنب الشعور اللي دفعه الوله

يا نصف عمر الحياة ومبتغى نصف دين

من عاش بك حاضره ما خاف مستقبله

يا دعوة مستجابه من حدا الوالدين

يا فرحة اللي ضحك حظه وطاب عمله

يا فرحة اللي ضحك حظه وطاب عمله

يا موطن اللي خذيته لين عاش بيقين

إن أنت نعمة وجود وفقدها معضلة

إن أنت نعمة وجود وفقدها معضلة

إستوطنه بس خاف الله في حاجتين

لا تعيشه هجرة بلاده وغربة هله

اللي يخافون من تلويحة الراحلين

يرضيهم أبسط لقا لو يحصل بعجله

النظرة الأولة يمكن تمر السنين

ما يذكر العاشق إلا النظرة الأولة

ما يذكر العاشق إلا النظرة الأولة

لا تنزعج من فضول محبة الصامتين

ما عذب الصامتين إلا كثر الأسئلة

ما عذب الصامتين إلا كثر الأسئلة

لو اسألو الناس عنا ما حن بجاحدين

سولف لهم واترك الباقي علي وازهله

إلى انشدو عن محبتنا قل العاشقين

ما وصلوا اللي وصلنا له في ذا المرحلة

أما الغلا لا سألو عنه قل الله يعين

أبعتذر واسألوه أنا عجزت أسئله

أبعتذر واسألوه أنا عجزت أسئله

لا قلت لي بيت والا قلت لي كلمتين

تداولو الحزن كأن بيني وبينه صله

تداولو الحزن كأن بيني وبينه صله

سمعوا بصوتي حزن واستنتجوا اني حزين

وأنا أسعد إنسان حبك في الوجود ودله

ما يكفي العمر لو عشته معك مرتين

العمر مرة ولا يعتاض وأنت أجمله

أنا أطلب الله يزيد محبتي لك يقين

وأنت أطلب الله يزيدك في الفراق جهله

وأنت أطلب الله يزيدك في الفراق جهله

الله يجعل لي بقلبك لا زاد الحنين

مثل الذي لك ورا صدري لا زاد الوله

مثل الذي لك ورا صدري لا زاد الوله