كلمات اغنية شلوا بها الصفين صالح الزهيري 2020

أرحبوا وعداد سيلً من القمة حدر

عند ربعً في اللقى تنعرف وقفاتها

في حفل منصور يا مرحبا با اللي حظر

لابتي كثر التراحيب من عاداتها

يا هجوسي والله إن ما لك الليلة عذر

النوادر هاتها والجزايل هاتها

شاعرك ذا الليل وضعه ما هو بالمستقر

لين تأتي لو ما هي على مشهاتها

أستوى مدح الكفو والراس طايل

من تحزم به ما يلقى من يضره

أنت يا منصور يا راعي الجزايل

مدحتك تزيدني عز ومسرة

إبن عمي في المواقيف الهوايل

سيفنا اللي للعدى سقم ومضرة

وافيً يحرص على فعل الجمايل

وأشهد إنك فزعت اللي باح سره

ومدحيّ لشرواك ما يبغي دلايل

قد تعدا صيتك حدود المجرة

الأصايل ما تجيب إلا الأصايل

وإنت مردد ولك في الطيب جره

آل بطش ربعك إن جات الصمايل

ضدنا عند الملاقى مات حره

محتمين الذود بسيوف صقايل

وابلنا ترعى القفر مع كل جرة

في نهار الهوش يوم الدم سايل

ندحم الصفين والكرة بكرة

وآل رزق لا اعتلوا ظهر الأصايل

إبتعد عن دربهم والجيب طره

شلو بها الصفين يا ربعي على اللحن الطويل

القاع ترجف والسماء تبرق وهلت بالمطر

ما الله خلق فينا جبان ولا خلق فينا ذليل

والرؤوس تقدح من طناختها وتقدح من سطر

من آل رزق وحن ها الوقفات والسيف الصقيل

يا لعن أبو رأس اللي منه ذكرنا ما افتخر

اللي اعتزينا بإبن مشني في ضحى اليوم الوهيل

نارد على الموت الحمر ما كأن به موت حمر

ما نشهد إنّ فزعة المظيوم مختف الشليل

ستر العذارى لا انكشف وحزامً يشد الظهر

شلو بها الصفين يا ربعي على اللحن الطويل

القاع ترجف والسماء تبرق وهلت بالمطر

ما الله خلق فينا جبان ولا خلق فينا ذليل

والرؤوس تقدح من طناختها وتقدح من سطر

من آل رزق وحن ها الوقفات والسيف الصقيل

يا لعن أبو رأس اللي منه ذكرنا ما افتخر

اللي اعتزينا بإبن مشني في ضحى اليوم الوهيل

نارد على الموت الحمر ما كأن به موت حمر

ما نشهد إنّ فزعة المظيوم مختف الشليل

ستر العذارى لا انكشف وحزامً يشد الظهر