كلمات اغنية عروق الحميا صالح الزهيري 2016

مصيبة ليّ من إبن عمك تردا فيك

ونصيت البعيد وقام معك وجلا همك

لا قال أبشر، أبشر والله إن كأنه يعزيك

على موتة عروق الحميّا في إبن عمك

يا نور الصباح إفهق جديل المساء بإيديك

سرى ليلي أرقب جيتك وألتفت يمك

أنا يا السهر ما عاد أبيك ولا أبي طاريك

ليّ صار وضعي ما يهمك وش يهمك

يا نوم الهنا سيّر عليّ ودي أعشيك

أنا طالبك قل تم جعل الله يتمك

متى بسمع عيوني تقول الله يحييك

ومتى أهدابي تقلطك وجفوني تضمك

يا صدري خذتك الضيقة إيجار بالتمليك

من الراحة اللي قبلها كانت تعمك

لو أشيل ضلع النير من نجد للمكسيك

أببطي عظم ما شلت همك ولا غمك

أحس الظروف تقول والله لأوريك

وأحس الصبر يقول شمر لها كمك

تضيق الدروب ولا تحصل من يراعيك

ليّ قامت الدنيا تشتتك و تلمك

وأبو جعلني ما عدمك وجعلني ما أبكيك

يجوز إنه اللي لا قضى المصلحة ذمك

تخيب الظنون أحيان فـي اللي تعده شيك

ويظهر لك من الناس أخٍ لم تلده أمك

يهون القصور إن جاك من شخص ما يعنيك

ويكبر عليك إن جاك من لحمك ودمك

مصيبة ليّ من إبن عمك تردا فيك

ونصيت البعيد وقام معك وجلا همك

لا قال أبشر، أبشر والله إن كأنه يعزيك

على موتة عروق الحميّا في إبن عمك

هذي والله اللي لا تميتك ولا تحييك

ساعتها تحس الموت يخطيك ويخمك

ما تشره على اللي عنده دواك ويخليك

تشرِّه على اللي عنده دواك ويسمك