كلمات اغنية بقايا عاشق طاهر العجيلي 2019

تجيني بعد هالمده وتنشدني عن الاحوال

وانا حالي ترى بعدك حزين وحيلي منحلّي

انا صاير بقايا عاشق وخله غيابه طال

ذبحه الشوق بغيابك ذبحه الشوق ياخلّي

اذا مرت سواليفك فبالي ياهني البال

اهل الدمعه من عيني الين الكف يبتلّي

عيوني من زمن تبرق وتمطر دمعها همال

غيابك غيمة سوده فعيوني دايم تهلي

اذا بينت لك شوگي فانا شوگي يهد جبال

تصور من كثر شوقي احس انك مثل ضلي

اعاني البعد اعاني الضيق اعاني نضرة العذال

ماعاد املك سوى دمعي وغير الحزن ماضلي

رحلت بعيني لعيونك وعيني ماقوت ترحال

ياغايب راحت عيوني ولا مرسال ترسلي

تعبت امشي ورى طيفك وطيفك من سراب الّآل

وكلمة ياعسى يرجع بصبّر روحي واسلّي

اناجي نجمة ثريه واسامر ضيّها وهلال

واصيح بليلي ياليلي متى يرجع وبس قلي

يرد الليل ويزوّد عذابي والقلب غربال

لقيتك ناسين حبي وقلت انساك احسنلي

وراجع بعد هالمده وتنشدني عن الاحوال

بعينك شايف احوالي ياغالي ويش صايرلي