كلمات اغنية موال ظليت أون طاهر العجيلي 2021

بلساني شايل حچي..بس من اريد ابتدي.

سچين احس بالظهر..۔۔۔۔۔۔۔ماتطلع الكلمة.

بعيوني اشوف الدرب..خطواتي بيهن ثگل.

يتگاودوني البشر...۔۔۔۔۔۔۔حسبالهم    أعمى.

لابيا أعببر بعد...۔۔۔۔۔۔۔۔۔لاحيلي خرج الحمل.

تلفان لآخر خلگ۔۔۔۔۔۔۔۔۔..وأتأذى من نسمة۔

شمدريني طبع البشر.......يندار ويا الهوى.

يم ناس ذبني الوكت.......ماتعرف الرحمة.

ضليت أون وححدي..عرگانة گصتي خجل.

والگلت مامحتمل..............يطلعلي بالقسمة.

عالنية   وتعودت............بطباعي  ماأختلف.

طفوني مثل الشمع........من راحت الظلمة.

استاهل آني الجرى...مفروض أگصر الجدم.

بس هوا هذا الگلب..........شيقنعة شيفهمة؟؟

يجبرني عالمايحن.....عالگلبة مثل السجن.

سببلي حالة  قلق.........عيشني  چم  أزمة.

مثلت   دور   الذي.....مرتاح   كل  دنيتة.

بس لو تجي عالصدگ۔۔۔ملچوم چم لچمة.

للناس  مابينت....واضحك واظل مبتسم.

بس لوتقيس الجرح.........تتفاجأ    بحجمة.

هوا اليعاشر  نهر....مفروض يظل مرتوي.

وآني اعلى جرف النهر...وشفافي متيتمة.

ليوين تالي الدرب......يالتمشي صاير عكس.

تدري اليعاشر شمس.......مايرضى  بالنجمة.

وتدري المظاهر چذب...والمخفي هم ينكشف.

والعمر حفنة رمل...............لوطاح      شيلمة..

هوا اليجيسة التعب.........يحتاج راحة فكر.

يحتاج حضنة محب........ويخلصة من همة.

بس اني فوگ التعب...محبوبي صاير علي.

يدريني شابع قهر.......بس  حالي    ماهمة.

طفيت چم محترگ۔۔۔۔بس من حضنت الجمر.

أسمع دعاوي علي...........ريت    الله ليسلمة.

محتار ويا البشر........مابيهم     اليشكرك..

الطيب بهالوكت...............الشاطر     يذمة.

لهنانا كافي وخلص.........منهم بعد أيست.

قررت راح أبتعد................وأبريها   للذمة.