كلمات اغنية لا تثق يا رفيقي عزالدين الداوي 2022

صاحبك لا تلومه لا اختلف فيه ظنك

لوم نفسك لأنك شفت فيه الاصاله

لا تقول فالشدايد اختفى الكل عنك

وان قلبك تصدى للغلايب لحاله

لا تقول قهر قلبي يا زماني لأنك

هنت رجال نشمي عند كمن حثاله

لا تقول اح غبني لا يزيد كثر غبنك

ما وقع بك بغيرك قد وقع لا محاله

لا تعاتب وتظهر حجم همك وحزنك

لا تصحى جروحك واستمع ذي الرساله

انت نقيت الاصحاب والغلط كان منك

ليش م اخترت منهم مال من قل ماله

شوف بعد اختيارك خاب ظنك وكنك

طحت في وحل سوء المعرفه والجهاله

من به احسنت ظنك قلنا انك وانك

ومن اسأت الظنون فيه لجلك اعلن قتاله

من حسبته سلاحك جاز قتلك وطعنك

قوم للملم جراحك لو تعيش خس حاله

لا تثق يا رفيقي قلتها اليوم لا اذنك

نص ذا الكون كله عايشين عالنذاله

بعض الاوقات تأتيك الخيانه من ابنك

كم وكم اب شفناه منكسر من عياله

هاه وافهم كلامي رسخه وسط ذهنك

سيل وادي الفساله لا توقف قباله

وفي زمان الفتن لايفتنك كبر سنك

دام والعقل قاصر با تعيش في ظلاله

حاول ان انت تصدق لجل يزداد حسنك

في عيون البشر من بعد مولى الجلاله

وشل هاذي نصيحه لا تدخلش بطنك

لقمة النذل واحذر لك يسوي جماله

والمثل قال وزنك في صديقك ولسنك

وانت حدد مكانك واحفظ اخر مقاله

الخلاصه كن افحص طبع ناسك وجنك

لجل ما عاد تشكي من رفاق الفساله

وجرب انك تخاوي شخص مثلي محنك

وابشر اعطيك نبذه عن حياة الرجاله