كلمات اغنية باني المجد علي بن محمد 2021

تنفس الصبح وانفلّت خيوط الظلام

والليل قفّا ونور الصبح جا فالوعد

مايتبع الصبح غير الصحوه من المنام

ودعوة رسول الله اللي باقيه للأبد

اختص فيها امّته من دون كل الانام

وأعظم بركاتها طلعة ولي العهد

طلعة عقابٍ ليا منه تعلا وحام

ما عاد تطلع على الصيده طيور الهدد

كنّه يقول الفضا ملكي بشرع ونظام

وحنا نقول الفضا ملكك ولا معك احد

في كل ساعه تجدد ذكريات الامام

وفي كل لحظه تجدد حاضر ابو فهد

لا صارت الناس تقرا فالعيون الكلام

ياباني المجد فعيونك قرينا السعد

نخدمك ونشوف خدمتك العظيمه وسام

مثل ما شرّفك ربي تخدم اعظم بلد

اسلافنا بايعوكم في الظروف الجسام

وش عذرنا لانبايع في زمان الرغد

لا صار في شرع ربي معصيتكم حرام

لكم ولانا من اكبر شيخ لا اصغر ولد

اللي عطا الشعب ما يملك من الاهتمام

نعطيه كل العمار من المهد ل للّحد

شعبك يحبك وفي حبك لايمكن يلام

لعل عينٍ ما حبّة شوفتك للرمد

حنا معك يامحمد واعتبرنا حزام

الله يديمك حزام ودرع جنب وسند

ياسيدي يوم لامواج الحياه اِلتطام

لو يركد الريح عاتي موجها ما ركد

ذكرتنا في عصى موسى عليه السلام

اللي تحوّل زراق الموج قاعٍ جلد

اللي يسوونه الحكام في ظرف عام

تحققه في اسبوع من الاحد للاحد

من هيبتك كل سادات الشعوب العظام

اللي لهم هيبةٍ منها يهاب الاسد

يمشون خلفك مثل مشي الجمل بالخطام

تامر عليهم وتنهى وامرك المعتمد