كلمات اغنية كثر المواصل علي بن محمد 2022

كثر المواصل في الهوى ما هو بزين

ودك بخلك بيـن مـدة ومـدة

لأن البني آدم ما ترك طبعـه الشيـن

لا حب له شي وشبـع منـه هـده

لكن لا منه جاك من حين لحيـن

قـدرت جياتـه وقـدرت صده

ثم قلت أبيك وقال ما هو بذا الحين

لا تحرجه يمكـن ظروفـه تحـده

أصبر عليه أيام وشهور وسنيـن

إن كانـه يـودك وكانـك تـوده

وخلك لامنه أعطاك ما تطلبه ديـن

ما جاك منـه أخـذه ومـا رد رده

ولا تسوي مثـل نـاس مساكيـن

أصلك وفصلك في الهـوى لا تعـده

الحب ما يعـرف قبيلة ولا ديـن

نكـس حكومـات وكسـر أشـدة

جاووه عقـال وراحـوا مجانيـن

وكم واحد خاضه ولا هـو بقـده، قـده

يقوله اللـي جاحـد علتـه ليـن

بـارت محافيـره وبيـح بسـده

هذا كلامي وإنت بتشوف بعديـن

والله إن تميز بين مزحـه وجـده

كثر المواصل في الهوى ما هو بزين

ودك بخلك بيـن مـدة ومـدة

لأن البني آدم ما ترك طبعـه الشيـن

لا حب له شي، وشبـع منـه هـده