كلمات اغنية اسف علي هشلان 2019

يانفسي اللي من الغالين مخذوله !

آسف على كل جرحٍ جاك من غالي

منتي بـ على كل ماسويت مسؤله !

أنا الولي ، والولا للواحد الوالي !

طاوعت قلبي وقلبي راح برجوله

والقلب لاحب مايفكر ولا يبالي !

عز الله أني كسبت أثمك ( ومنهوله !؟ )

لواحدن مادرى عن وضعي الحالي

#١

مشغول في ناس ماهي فيّ مشغوله

مدري متى تنشغل فيني وتفضى لي

حرصي عليهم مثل حرصي على الدوله

اللي بوصي عليها بكره. عيالي !

كبدي من الحب والاحباب مدبوله

لاواهني الفؤاد الداله السالي

وشهوله أكتب بيوت الشعر وشهوله !

واقول ياوجد روحي ويابري حالي

#٢

عليك ياللي عليك. الروح مجبوله !

يامذوقن قلبي من المر والحالي

مادام منته بحولي ولا أنته بحوله !

غير الجماهير تسمعني وتقرااالي !

معقوله ماجابتك لشواق. معقوله !

الظاهر أنك محصل واحد بدالي

ترى جميع القصايد فيك مقييوله !

ولولا محبتك ماجريت موااااالي

#٣

كفي من مصافح الباقين مغسوله

مالي نظر في محبة جيلنا التالي !

القلب مافيه غيرك. يفتح قفوله

من يوم مارحت وهو مثل الخلا الخالي

اخذ الكلام الصحيح اللي على أصوله

ان كان ماجابك الله بقعد لحالي