كلمات اغنية طاب السمر عمر العيسى 2022

طــاب السمر واسترسلن التعاليل

بيـن النشــــاما والـــردي ما نعدّه

يمــوت باللي مثلهم ســـرمد الليل

اهل الشــعـر واهل الادب والاشدّه

مـــتوارثين الشعـر جـــيلٍ بثر جيل

وكلٍ علــى مـــــا قيل طيـــره يهدّه

وانا ليــا حـــدّيت عنــــدي مناهيل

آرد عــــدودي يـــــــوم كلٍ وعـدّه

ويومــه تبيــن للعــطـا بينهـم كيل

يا صــــاحبي والقاف لاجلك مشدّه

حسّــن طبــوعك لا تــمـايل ولاتميل

وليا اكتـــرب حبل الـــزعل لاتشدّه

محــدٍ تــرى سالم من القال والقيل

خلك سمــــوح وطيّـب الهــرج بدّه

وليــا بــلاك الله بــابــن عم دعبيل

لو هــو يغثــك حــب راســـه وخده

ابــرك لك مـن منـاطـــحـه والبـهـاذيل

هـــذا ابـــن عمـــك لا تعـــــاديه قــدّه

حتــى النبي مــن مثله وبالخـطا طيل

جــاه الــردى مبــداه مــن عقــب جدّه

ومــن يطــرد علـوم العرب والمهابيل

مقســومــه مـــن العــز لـقــبـل يـلـدّه

تــراه مــا يـمـلك افــواه الــرجـاجيل

والّــي تشـــوف النـــــاس لازم تعــدّه

العقـــل نعمـــه والفـــهــامه قنـــاديل

وعمـــر الفتـــى عقلـــه ودلّــــه ومدّه

ومــن لا حســــب للمدبره والمقــابيل

تـــاه ولبـــس لــه ثـــوب ما هو بقدّه

احدٍ رحل من جيل ثم عاش في جيل

واحـــــدٍ بصــــلب ابـــــوه ودك تـردّه