كلمات اغنية ودعتك الله عمر العيسى 2016

ودعتك الله يابعد كل مخلوق

اقولها والدمع يسبق كلامي

والدمع ماهو عيب ياقمة الذوق

دمع الموادع مثل دمع العصامي

مثل ازدحام الناس في ساحة السوق

همي تجمع من خلافي وامامي

انا ما باقي بي من الحزن معلوق

الا ما بقى الماء براحة ابهامي

راحت علي الأرض في وسعها طوق

لا نجد نجدلي ولا الشام شامي

كيف اتماسك كيف اركز وانا اسوق

وانا تراقل من وداعك عظامي

ياعونة الله كن مافيني عروق

وعزيت عيني في مفارق منامي

بالله قلي كيف ابرتاح واروق

وانت بشوفك راحتي وابتسامي

يا اغلى بشر يمشي على الأرض من فوق

ياللي معك عينت كل احترامي

ارتاح ماغيرك على القلب مسبوق

يانصفي الثاني ياسيد غرامي

يابري حالي حبك اغلى من الموق

واثبت من جبال الحجاز الزوامي

ينمو مع انفاسي ويكرم عن البوق

مثل ماتنمو في الربيع النوامي

تكفى لاتشره شرة الغالي العوق

لاصرت عجل في وداعك وحامي

انا لا جيتك جيت يدفعني الشوق

ودي ابين لك عظيم اهتمامي

وان رحت اروح وكل مافيني مخنوق

ولا هو ردا يوم بخلت بسلامي

أخاف لاضميتك ابكي ولا افوق

فضلت اروح عنك مثل الحرامي