كلمات اغنية القلب المتيم فارس مهدي 2024

قل للحنين اللي يجي منك عابر

بشويش بي من جاير الوقت عبره

انا على قل المواصيل صابر

اخاف يفقد فاقد الوصل صبره

ذاك الزمان اللي يسموه غابر

يضيق في متر المخاليق شبره

وانا على رجوى لقانا مثابر

اولّم الشمعه ووردي وحبره

واراقب الجوّال لوني مكابر

وادفن مشاريه العواذل بكبره

يمكن يجيني نص مفقود دابر

والنص الآخر يكمل ايّات دِبْرَه

انا اعرف القلب المتيّم وخابر

الوجد سوالي من الوقت خبره

مكسور لكن بالملمّات جابر

ويدوّر بفتق المجاريح جبره

اضحك بقيفاني بكل المنابر

والحزن واضح بين نبره ونبره

الحب لوتخفيه عُمر وتكابر

يفوح عطره مانفع فيه كِبرَه