كلمات اغنية لعيون زيزومها فارس مهدي 2020

ياموطني والشدايد شدت عزومها

واستفحل الوضع لين الحجر اصبح نتاج

كلمتك في الوضع هذا بان مرسومها

حنا معك تحت امرك لين تلقي الخراج

بالحد لك جند تحمي الدار بسهومها

وبالطب عندك جنود استنفرت للعلاج

كل الكوادر سعت واليوم هو يومها

لجل الوطن يلبس الصحه ع الراس تاج

و ابعاد هذا الوباء هو اكبر همومها

وتعيد للناس راحتهم وضحك الحجاج

والشمس ترجع تصحي الناس من نومها

ويستقبلون رمضان .. بلذة الابتهاج

لذة تفاصيل تنزع ( مر حلقومها )

رفع الحظر/ والمساجد صوتها بالفجاج !

امامها يستمع ( لـ آمين ) مأمومها ،

و احوالنا تستقيم وتغلب الاْعوجاج

وتبقى سوالف قديمه نذكر علومها

طارت على فالها في همهمات العجاج

يارب وانت اللذي تقضي لنا لزومها

رفعت كفي رضا ماهو سخط وانزعاج

تحفظ عيون البلد وعيون زيزومها

وتشهد اراضي وطنا لحظة الانفراج