كلمات اغنية احداث الليال فايز الدوسري 2021

‏‏وا عيني اللي ما اهتنى جفنها النوم

ملت من أحداث الليال وسهرها

تخفي ورا نظراتها حزن وهموم

وهذه مقاديري وهذا قدرها

مليت من كثر المشاريه واللوم

وعيت سنين العمر يصفي كدرها

أثر الهوى شئ مقدر ومقسوم

وحضي يدور سكته ويعبرها

حاولت أجنب عنه واطيح واقوم

وصادتني اللي خاطري ما عذرها

صادفتها يوم السما برق وغيوم

وقام الهوا يلعب بخصلت شعرها

تمشي وهي في كوم والعالم بكوم

ويوم أقبلت لي زين في أبها صورها

الوجه كأنه من سنا البدر مرسوم

والثلج كأنه يبتدي من نحرها

بعيونها لدة وترسل لي سهوم

واليوم قلبي من ضحايا حورها

عودت من نظراتها الخرس مهزوم

وأصبحت أصارع موج غبت بحرها

وعن السعادة صرت مبعد ومحروم

جارت عليه يوم ربي ومرها

وأنا على نهج وتقاليد واسلوم

ودنيا الشقا ما أحد سلم من خطرها

وأنا على نهج وتقاليد واسلوم

ودنيا الشقا ما أحد سلم من خطرها