كلمات اغنية الفين مره فايز الدوسري 2025

ياوليف الروح في قربك مسره

طالت الغيبه وهي ماهي ب عاده

حن قلبي في ضلوعي لا تجره

ب الهواده ياحبيبي ب الهواده

نور وحهك لا سطع وضّاح غره

ليت جنح الليل يسترني سواده

رمح رمشك يفري الصدر و يقره

ما يعّود قبل ما ياخذ مراده

تاه قلبي واستقر ب مستقره

موتته فيها مثل موت الشهاده

لكن اغض الرمش واكف الجرح شره

ليتني في عاتق اللبه قلاده

وفك عن صدرك زراره لا تزرره

وضمً قلبً طاح من كبوه جواده

و بر به ما شفت منه الا المبره

واحضنه في حضنك يحس بسعاده

والثنين التوم كلً له ممره

مستقله ف القرار و ف السياده

لاانزوى خصرك تعرف اللي يفره

ذاق من نابية الارداف الزهاده

لا تثني مطرقه قبل يتشرّه

شالها الضامر بصبره والحلاده

وان تبسمت ب ثمانك مت حره

كم لي ابغى شهدك السكر زياده

لو علاقتنا القديمه مستمره

ما شعىت اللي يحبك يا فواده

من يحبك كل يوم الفين مره

واصله لا تقطعه وصلك عباده

ور قلبً هام في خرساك وره

لا تضيع السيطره عقب القياده

ارحمه لااشتاق تكفى لا تضره

ليت ربً خالقه يصلح فساده

والبدر مااحب ادقق في صوّره

يا بدر دنياي حلوك وانت ساده

كان روحك في مفارقها مصره

تبعت المقفي تواليها نقاده

ومثلك سلوم القبايل ما تغره

ماورى المقفي ليا اقفى الا القراده

خلني ضايع ورى بحر المجره

عينك الخدره مطوعةً عناده

الحزن والدمع للعين المدره

فدوةً لك دمعها ياعين غاده

شاعرك يادرتّه لله دره

اغترب فيها مع انه في بلاده