كلمات اغنية حنا بدو فايز الدوسري 2024

يانجد كم في ثراك الناس غنوبه

وشوفك ونسمة هواك اتداوي العله

كم في مداك التقى المحبوب محبوبه

وكم فيك من يفرقون الخل عن خله

من يردع القلبٍ عن شفه ومطلوبه

سوات من يلحقون المخطيه زله

وموج الهواء لارتفع للشوق منسوبه

يبين فالوجه دق العلم من جله

اذكر مواجهك يوم النار مشبوبه

لاباح صمتي عليك وفاحت الدله

يالفاتن الي مزين حسنه اسلوبه

يالي رموشك سوات السيف ابوسله

وصفك تقول القصايد فيه مكتوبه

يالفارق الي طغى كثره على قله

غنابه الخس واشقى كل رعبوبه

وابن صليهم (يارع القذله الهله )

واليوم ياعين ود القلب قفوبه

وابعد مناحيه ود صعب توصله

اقفى به الي ماحسب كثرة ذنوبه

الي عقد عقدةٍ ماهيب منحله

مثل الركيّب عيال مطير عيوبه

ياليت قلبي من اللامى برد غله

حنا بدو عندنا للضيف ماجوبه

لو كان طيف يزور القلب في حله

نشمي مع العمر والخطوات محسوبه

ونصادم الوقت والتوفيق عند الله