كلمات اغنية نسناس الاشواق فايز الدوسري 2022

هْب يانسناس الاشواق واجتاح الضلوع

قبل شوقي من عنا البعد والفرقا يضيع

شفت بـ اطراف المشاعر طرف حزن ودموع

شفت بـ عيون الفرايد نظر فيض" فضيع

طحة طيحة مقدم القوم في يوم الربوع

في نهار" يقدم الكفو ويهاب الوضيع

طيحة الّي كان مقدام هجمات الجموع

واغدروه بـ حربة الموت عدوانه صريع

مادريت ان المحبه لها سيف" بتوع

احسب" قلبي من الحب ودروبه منيع

ليت قلبي له مناعه وصدري له دروع

وليت مافي سكة الحب توديع ووديع

ليه ماترفق على القلب يالريم الفروع

ليه تضعفني عيونك وانا قلبي شجيع!

ليه ردفك فيه شبعه وخصرك فيه جوع؟

وليه عودك شمعدان" على الشعله يميع

انت يالي هرجك قناد وشفاهك قدوع

جامع" وجهك وجه صبح وازهار وربيع

شمس وجهك لاشرقت تكسي الدنيا سطوع

رمش عينك موجز المجد والشان الرفيع

ياشبيه الغيم والي من الطلقه جزوع

وشبه وضحاً للبعيجان ولا ابن قريع

رمح حبك يجرح القلب وجروحه تروع

عرضتني ضلمة اليل والخط السريع

حسرة الايام والشوق والفرقا تلوع

مثل لوعة فقد شالح على اخوه الفديع