كلمات اغنية وجهة نظر فايز الدوسري 2024

يا فاتنة في كل يوم وكل حال

يا أغلا من الدنيا على مفتونها

فيك الوصوف من الخيال إلى المحال

أبعد من أحلام البشر وظنونها

يا شيخة الخفرات ربات الجمال

يا فارقه بحضورها وبدونها

تبينها من جد ولا من خيال

ملامحك ملح الحياة ولونها

خلي عيون الطير وعيون الغزال

عيونك أجمل من جمال عيونها

ما أنت بورده بين ضلع وبين جال

ولا أنت سحابة والعرب يتلونها

ولا أنت قمر مرة بدر مرة هلال

ولا أنت بـشمس أحيان ما يبغونها

أنت سعادة بعد دمعه وابتهال

لا زاد رّق إحساسها وشجونها

وأنت رضا الزاهد على سود الليال

اللي ثلاث أرباعنا يشكونها

بين القصار من الغواني والطوال

تملين ذوق عيون ما يملونها

طلتكْ دايم في عزا ولا احتفال

لحظة جميع الناس ما ينسونها

تطرين مثل الأغنية في كرنفال

اللي من أول كلمة يعرفونها

وتجين مثل الحق بعد الإحتيال

والحاجة اللي من ضمير يبونها

وتقفين مثل الغدر بعد الإتكال

والحسرة اللي في الحشا يخفونها

وفلان قال فلان حط فلان شال

أغلب شعوب العالم يقولونها

عندك عتب وجهة نظر ولا سؤال

تفضلي وأنت وأنا من دونها

ما فيه درب ولا طريق ولا مجال

أكسب رضا عيونك عشان اخونها

وأنا الغريب اللي ما يضرب في مثال

وغايات نفسه ما كشف مكنونها

نفسه تزيد جنونها وإبن الحلال

حاول يهدّيها وزاد جنونها