كلمات اغنية المولود فهاد العلي 2020

ياسامعين القاف ياطيبي الجاه

الله يرزقكم بشوف العيالي

الواحد اللي كلنا نطلب رضاه

يقبل دعاوينا مجيب السؤالي

بشرت بالمولود والحمدلله

هديه من الله عظيم الجلالي

والفرح عندي غير ماحد يسواه

من فرحتي قمت اتغنى والالي

الفرح بعيوني ترى الكل يقراه

الله يتممها فرحتي بالغوالي

فرحت عمر من ربنا جات مهداه

سبحانه المعطي عليه اتكالي

( امير فهاد العلي اليوم محلاه )

ربي رزقني به وربي عطالي

امير ياجعل يتبارك بدنياه

والله يحفظه من صدوف الليالي

يازين ضحكاته ويازين ملقاه

استبشرت نفسي بشوفه قبالي

(امير ابني كلنا اليوم نبغاه )

عز الله انه فاق اول وتالي

يارب من كل المضرات تحماه

ادعيه ربي عالمً هو بحالي

مثل المطر جيتّه لاما انهمر ماه

تفرح به البدوان واهل الحلالي

محلاه امير وعندي اليوم مغلاه

صحيح من قال الضنا حيل غالي

لو يطلب الغالي رخص لجل عيناه

افديه ياعالم بحالي ومالي

(امير فهاد العلي العز مرباه )

ومعربن من عم وايضًا خوالي

جعله عضيدي دايمًا جنبي القاه

ويكتب من اهل الطايله و المعالي

والحمدللي سلم امه ونجاه

فرحي بهم فرحه ولالها مثالي

الله يرزقها بكل ماتنماه

والله يحميها عن اهل الخمالي

والله يطول عمرها ربي ارجاه

ويفتح لها رزقه وتبقى حلالي

بنت الذي بالطيب لاجيت تلقاه

نسل الرجال اهل الكرم والفعالي

حبه وحب امه معي دوم منساه

دايم معي في سهوتي وانشغالي

الله طبع فيني غلاهم وسواه

نعمه من الله جعلها ماتزالي