كلمات اغنية طلة ملك فهاد العلي 2017

طلة ملك

ياملك دوم الصداره مستحله

يا قمر بين الكواكب هو محله

شعرها الليل لا منّها تهله

شع خده بالمدا ماله حدود

خالك اللي لحن ابياته وغنا

يوم شافك تلعبي منا ومنا

ياقمرهم اطلب وامر تمنا

مرخصينن لك ترا كل البنود

صفقوا للزين جاكم صفقوله

النجادى والشحاذه اهتفوله

القمر من ياصل ويقدر يطوله

لا حضر من بيننا ننثر ورود

فلي الشعر من فوق المتون

خلي قلوب العواذل يعرفون

انك اجمل ماخلق ربي بكون

والحسن في غيركم ماله وجود

طبي الساحة لا اغني لك وأقول

ما خذه في حسنها كل العقول

وخلي عيون العواذل في ذهول

الله اللي يقهر عيون الحسود

واقدمي قدامهن عز ومهابه

طالعك من بينهن ماله مشابه

مثل عود الخيزرانه بانسيابه

الهبايب والنسايم له تقود

وانثني مثل الغزال العارضيه

واهني من شاف زولك واهنيه

اسمري دام الليالي سامريه

ياعساها كل ساعه لك تعود

الوصايف نادره مثل الملاك

الثريا والنجم هم من حلاك

ياصغيره ياكبيره في غلاك

الغلا كل ما تدلعتي يزود

بنت شيخ ينوزن وزنه ذهب

الاصايل تنعرف بين العرب

ارقصي للعز يوم انه طرب

واشمخي بالعز وارقي به سنود

وايليه واصلها من نسل وايل

خابرين كلهم ضرب الصقايل

افخري بالمجد يابنت الاصايل

قدها بالمجد يابنت وقدود

الأغاني والقصايد والشعر

كلها تكتب لها سطر بسطر

زين كل الكون لامنه حضر

حسنه الباهي على غيره يسود