كوبليه ما هي كلمات اغنية عيدي معك فهاد العلي ...؟
تاريخ طرح اغنية فهاد العلي الجديده عيدي معك
٠٧ أغسطس ٢٠١٩
كلمات اغنية عيدي معك فهاد العلي 2019
عيدي معك
يالعيد تدري وش محلي لياليك
عيون محبوبي وضحكة حجاجه
عيدي ليا جيته يقول الحلا فيك
وانا بعد عيدي بيوم نتواجه
ياروح روحي لو تبي روح مغليك
والله ماتغلا عليك انت حاجه
ماتدري اني مغرمٍ هايمٍ فيك
وشوفك دوا قلبي وقربك علاجه
ابيك وعيون المولع تراعيك
وان غبت شف قلبي يزيد انزعاجه
ابيك في زينك وشينك محليك
ماطيع انا العذال وأهل العواجه
يامنيتي ماترحم اللي مصافيك
قلبه ليا شافك يزيد ابتهاجه
كن العسل والتوت من بين اشافيك
فيها جمر بارد وفيها فلاجه
عليك قلبي كل ماقال لبيك
يزيد فيه من المحبه خلاجه
اموت في ثغرك ولا هان باقيك
والموت رمشك لا تعقد حجاجه
كم ليلة ساري من الشوق ناصيك
ليل الشتا ماهمني بالمواجه
قلبي من غيابك وحبك وطاريك
ياكن فيه ليا ذكرتك لجاجه
تعال ياللي بالمحبة نناديك
نور الفرح عقبك مطفي سراجه
اغنية عيدي معك فهاد العلي 2019 بالكلمات مكتوبة كاملة من كلمات حمد الغدير تم طرح اغنية فهاد العلي الجديدة على القناة الرسمية على اليوتيوب بتاريخ ٠٧ أغسطس ٢٠١٩ كوبليه كلمات اغنية
- كلمات : حمد الغدير
