كلمات اغنية منتوقة الجيد فهاد العلي 2024

منتوقة الجيد

طبي على الميدان ياشيخة الغيد

وطلي مثل طلة قمر نحتريها

فيك الصبايا يرقبن المواعيد

انتي لحالك والعروش اعتليها

ياسيدة هذا الزمن حسنك يزيد

يامهرةً كل الغنج مكتسيها

اليا اقبلت اقبال خيلً من بعيد

والموت يوم ان الهوى يقتفيها

يازينة الاوصاف منتوقة الجيد

الخصر فوقه صك خاتم يديها

الشعر ذيل اللي تدك الجلاميد

وعيونها كتايب الموت فيها

زينك لكل اللي على الأرض تهديد

ارقي على عرش النساء واعلنيها

غاشيك كل الزين من دون تحديد

هاذي لامرت بس سمو عليها

على بحر عينك قصايد مواليد

و رمش النواعس للقلوب ارسليها

تنبت مواطيك الزهر من على البيد

تسوى قناطير الذهب مقلتيها

انتي لكل الزين والملح تجديد

لو يبتديها الحسن ماينتهيها

وصايفك واجد ماتحتاج تمجيد

ونور القمر من خدها يبتديها