كلمات اغنية ناعم العود فهاد العلي 2023

ياناعم العود يالحساس

شبه القمر بالسما عالي

قومي العبي والفحي بالراس

يالجوهره ياذهب غالي

شفتك وضاع الفكر واحتاس

زينك و زولك شغل بالي

سميتك النادره من الناس

وانا لك الفيّ وظلالي

الزين نادر بلا مقياس

يلوق لك يوم تختالي

عيونك الذبل النعاس

ترمي خفوقي ولا تبالي

من فوقها رموش كالاقواس

وحواجبن كنها هلالي

لك ضحكةً تبعد الاعماس

اتجملك يابعد حالي

يزهى عليك الذهب والماس

وفي اسفل الساق خلخالي

اليا لعبت دقو الاجراس

من دونها صالي وجالي

بحضورها تحبس الانفاس

من هيبتك تقل زلزالي

بين البني ماخذه النوماس

والبيرق لها شمخ عالي