كلمات اغنية الكون خالي فهد بن جازع 2023

الخاطر اللي فاقدٍ من يداريه

طاب و تكسر يارفيقي عشانه

-

كل البشر لو حاولت ما تداويه

محدٍ يعالج خاطري غير شانه

-

اللي فقدته ،، عذبتني طواريه

ذكرى زمانٍ فايته مع زمانه

-

صرت اتمشى يا رفيقي حواليه

يمكن يشوف ويسمعنّي اذانه

-

ذيك البيوت اللي بحالي تبكيه

اللي تبعثر من شعوره حنانه

-

الفقد يذبح كل رجال يا هيه

يفقد معه حتى العقل والرزانه

الكون خالي ،، والبشر ماتغطيه

في داخلي محدٍ يسد بمكانه

-

الحال حال اللي وحيد بمساريه

حال الشجاع اللي فقد عنفوانه

بعده يعيش العمر سودٍ لياليه

عقبه تحطم يا رفيقي كيانه

اصبح لحاله و ابتعد عن محبيه

مابينه وبين الخلايق ميانه

والشعر ،، عقبه كل لحظة يلبيه

واللي بقلبه يصدحه في لسانه

دايم تشوفه مشفيٍ له و باغيه

عقبه فقد بين الرجال إتزانه

كل الدقايق ،، عقب فرقاه تشقيه

الوقت كنه باللذي صار خانه .

عقب الفرح وقت الرخى عند غاليه

الوقت خانه حيل و اكبر خيانه