كوبليه ما هي كلمات اغنية عَيْنْ الرمّانْ فيروز ...؟
تاريخ طرح اغنية فيروز الجديده عَيْنْ الرمّانْ
١٩ سبتمبر ٢٠٢١
كلمات اغنية عَيْنْ الرمّانْ فيروز 1955
عالتلة الخضرا، إنت وطالع صوب المزارع العالية، في ضيعة حلوة
بيوتها جداد وشوارعها واسعة وطرقاتها مسيجة بالزهور
هالضيعة إسما عين الرمان
يا عين الرمّانْ .. يا ضيعةْ مسحورةْ
بالمنتور الغَويانْ .. مغمورةْ
يا عين الرمان .. يا خضرا يا حلوة
ياللي بزنبق نيسان .. عم تضوي
حنّ القلب ومال والنرجس بان .. بفيّة عين الرمان
ماج الحبّ وطار والملقى كان .. بضيعة عين الرمانْ
وين بيتلاقوا الإخوانْ .. عَ مْفارِق عين الرمّانْ
وين بتتغنَّى الألحانْ .. بِجْنايِن عين الرمّانْ
حوار:
- هاي هاي
- مين
- أنت
- أنا؟
- إيه أنت بعرف وين رايح
- وين؟
- إنتا عم تفتش على بيتُن
- إيه إيه بتعرفيلي وين بيتن
- بيتن بالحيّ العالي، هونيك شارع كلّو دراج
- بعد ما عرفت دلّيني أكتر
- شوف، بتروح عَ بيت الشب الْـ بيحب جارتهن وهو بيدلك
- إيه إيه كفّي
- بتريد شي بعد؟
- لا لا متشكر مع السلامة، والله أهل عين الرمان لطفا بس... يه يه يه يا حلوة، بيت الْـ بيحبّ جارتهن وين؟
قوليلا يا جارتها .. قلبي حنّ لدارتها
بحكيلا بغَنّيلا .. يا جارتها قوليلا
قوليلا ما فيه ينام .. سهران يألّف أنغام
ما لُو بالدنيي أحلام .. إلّا يطلّ مقابيلا
قوليلا بعملّا شال .. من زهر بيحلم بتلالْ
- قُوليلا
- بشكيلا
- قوليلا
- بُوميلا
- قوليلا
- نَجمات الليل بْضَوِّيلا
- عرفتيّا؟
- عرفتا
- لها غرّة وعيونها فِيُّون خيالات الورد والزنبق، وفستانا مصور عليه جوانح عصافير و زرازير، عرفتيّا؟
- عرفتا بيتن إلو قناطر بيض وفي علّيّة لِها درابزين أخضر
- شي حلو
- وفي بالعلّيّة مقعد إلو مساند ملوّنة بْورق دوالي
- دخلك شو اسم هالحيّ هونيك؟
- حيّ الحلوين
- وهي هي شو أسما؟
- حلوة الحلوين
- متشكر لطفك، الله يكون معك. حلوة الحلوين...
يِهْ كل وحدة هون إسما حلوة الحلوين
- تَكْ تَكْ تَكْ تَكْ انفتحوا شبابيك الحلوين
هاه هاه هاه هاه طلّوا عالباب الحلوين
- مين مين؟
- عاشقين
- مين مين؟
- مارقين
شفنا الهَوَا يوميلنا .. على دَرَج الحلوين
والغَزَل ينادِيلنا .. بِقَنَاطر الحلوين
- شُرُفات الحلوين دراجا .. قناطرها صعبينْ
غَمَزات الحلوين سِياجا .. حِكَايات الياسمينْ
والهَوَا لو مرّْ .. يمكن ينغرّْ
بسّ، ما بيعرف ولا سرّ
- ولا نظرة؟
- لا
- ولا زهرة؟
- لا
- ولا شي وعد بشي سهرة؟
- لا
- يِهْ يِهْ يِهْ يِهْ انغلقوا شبابيك الحلوين
لَهْ لَهْ لَهْ لَهْ راحوا عن الباب الحلوين
- بتروح عن الرصيف الليلكي
- إيه
- شفت الشارع يللي ضوِيّتو زرق؟
- إيه
- مش هو، بتطلع بشارع تاني
- إيه، ما عرفت
- مش رح تعرف تروح وحدك أنا بروح معك بدلّك
- متشكّر هيئتك لطيفة كتير
- أنا سابقتك عَ بيتنا مشّط شعري وإلبس كنزتي الخضرا لأنّو بالحيّ العالي في برد شوي
- الله معك
- وهلّق بعد شوي بتلحقني وبتندهلي بنزل وبرافقك
- بصفرلك؟
- إيه أنا رايحة
الله معك يا حلوة الله معك بس...
يه يه يه ما دلّيتيني عَ بيتك
لمّا بيهدى الليل والنجماتْ
بتطلّ عالتلَّاتْ
بتموجْ ..طرقات الضوّ مروجْ
حدّ الورد المنسوجْ .. بالحبّ غنّيّاتْ
لمّا بيِهدى الليل والأشعارْ
بتدور عالأوتارْ
بتقولْ .. ليل النجوى بيطُولْ
والسهرية بتجُولْ .. بِبال الأزهارْ
في غنّية .. بعيد منسية
بغنّيها .. بوَعّيها
عَ دروب وردية
لمّا بيهدى الليل والنجماتْ...
ومنسهر ومنسهر ومنسهر سهراتْ
- والطريق عَ بيتُن مزروع بالحكايات
- يا عيني
- وبليالي القمريات بيضيعو الغناني عالطريق
- يا عيني
- وبتطلّ عن شبّاكا وبيرتاح الضوّ بعينيها الخضر
- يا عيني
- وكلّ القلوب بتسأل عن عينين خضر، وبتسأل عن شبّاك وحلوة
لا تقول بيتا وين، بيتا عَ كلّ مفرق، وبكلّ شارع بيطلّ عليه قمر، هونيك الدرابزين كلّو زهور والعشّاق
بيغنّوا
يا عيني
- طلّي
- هيدا أنا طلّيت قلّي
- بوحي
- عَ مفرقك غنّيت روحي
- قلبي إلك يا حلوة العينين .. يللي الهوى بيوحو
مشلوح بدّو تدلِّلو إيدين .. وتبرّد جروحو
صاحَبْت عَ سياج الْـ لِكُن زهرةْ
كلّ يوم بسقيها
وضَيّعت عَ دراج الْـ لِكُن نظرةْ
قولك لقيتيها
- بسّ دخلك بسّ داريني
أكتر أنا بحبّك
خدني بعينيك وطير خبّيني
بشي صوت من عبَّك
- ناطر أنا ناطر .. يمرق على بالِك
شي حلم شي خاطر .. وإسرح بموّالك
- بجنينة الرمّانْ
- منمَوِّج الألحانْ
- وعَ مفرق الألوانْ
- منترك هَوَى سكرانْ
هوى سكرانْ
وين بيتلاقوا الإخوانْ .. عَ مْفارِق عين الرمّانْ
وين بتتغنَّى الألحانْ .. بفيّة عين الرمّانْ
يا عين الرمّانْ .. يا ضيعةْ مسحورةْ
بالمنتور الغَويانْ .. مغمورةْ
يا عين الرمان .. يا خضرا يا حلوة
ياللي بزنبق نيسان .. عمْ تضوي
اغنية عَيْنْ الرمّانْ فيروز 1955 بالكلمات مكتوبة كاملة من كلمات الأخوان رحباني والحان الأخوان رحباني تم طرح اغنية فيروز الجديدة على القناة الرسمية على اليوتيوب بتاريخ ١٩ سبتمبر ٢٠٢١ كوبليه كلمات اغنية
- كلمات : الأخوان رحباني
- الحان : الأخوان رحباني
